Arroilak ibai-sareak harkaiztian sortutako ebaki sakonak dira. Nafarroako mendian ibaiak iparretik hegora joan ohi dira, eta mendilerroak eta mendikateak, berriz, ekialdetik mendebaldera. Intersekzio-guneetan arroilak sortzen dira. Arroila sortzeko, ezinbestekoak dira ura, harkaiztia –batik bat harkaitz-geruza bigunak eta gogorrak– eta denbora (milioika urte).

Gaztelaniazko foz hitza latineko  “faux, fauces” hitzetik dator: eztarria. Espainiako leku gehienetan hoz esaten zaie, baina baita garganta, cañón edo desfiladero ere. Foz ez da geoforma horrentzat Nafarroan dagoen hitz bakarra; horrela, euskaraz potxe esaten da (bi gainen arteko tarte meharra), atea (mendien arteko pasabidea, baina baita eztarria edo haran baten estugunea ere) edo zintzurrak.